Әгерҗе хәбәрләре

Әгерҗе районы

18+
Рус Тат
2024 - год Семьи
Сорау–җавап

Бу яңалык биш категория гражданнарга кагыла

Кайбер түләүләрне – Пенсия фонды аша

“Элек социаль яклау органнары тарафыннан бирелгән түләүләрнең кайберләре 2022 елның 1 январеннан Пенсия фондыннан түләнә башлый дип ишеткән идек. Бу яңалык кемнәргә кагыла?”
Д.ИВАНОВ.  

Әлеге сорауга Россия Пенсия фондының Әгерҗе районындагы Клиент хезмәте җитәкчесе Зөлфия БАКАСОВА җавап бирә:
–    Бу яңалык биш категория гражданнарга кагыла. Болар – балалары булган эшләмәүче гражданнар, радиация тәэсиренә дучар булган гражданнар, реабилитацияләнгән затлар, медицина күрсәтмәләре буенча транспорт чараларыннан файдаланучы инвалидлар (инвалид балалар), Пенсия белән тәэмин итү Россия Пенсия фонды аша башкарылучы хәрби хезмәткәрләр һәм аларның гаилә әгъзалары. 

Мисалга, Яңа елдан балалары булган гражданнарга түбәндәге түләүләр Пенсия фонды аша билгеләнәчәк: баланы 1,5 яшькә кадәр тәрбияләү буенча эшләмәүче гражданнарга бирелүче айлык пособие, оешма юкка чыгу сәбәпле эштән киткән хатын-кызларга йөклелек һәм бала туу буенча бирелә торган пособие һәм башкалар. Тулы исемлек белән Россия Пенсия фонды сайтында таныша аласыз. 

Моңа кадәр әлеге социаль ярдәм төрләреннән файдаланган очракта Пенсия фондына мөрәҗәгать итәргә кирәкми. Гражданинның әлеге пособиеләргә хокукы булып та моңа кадәр файдаланмаган икән, ул чакта аңа Пенсия фондының Клиент хезмәтенә килергә кирәк.  

Алдан язылу өчен телефон: 23095. РФ Дәүләт хезмәтләре порталы аша да язылырга мөмкин.    
 

Следите за самым важным и интересным в Telegram-каналеТатмедиа

Районыбызга кагылышлы яңалыклар белән безнең  Telegram-каналдан танышыгыз


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев