Әгерҗе хәбәрләре
  • Рус Тат
  • Исәнбайда даруханә кайчан ачыла

    Сорагыз – җавап бирәбез

    “Исәнбайда узган ел ахырында даруханәне икенче урынга күчерәбез дип япканнар иде, һаман ачмыйлар. Без – пенсионерлар дарусыз тора алмыйбыз. Безнең өчен даруханә бик кирәк. Үтенечебезгә ачыклык кертә алмассызмы икән?“
    Бер төркем пенсионерлар.   

     Исәнбайлыларның соравына җавап алу өчен Әгерҗедәге 56нчы даруханә мөдире Вәсилә ГАБДРАХМАНОВАга мөрәҗәгать иттек. 

    –    Чынлап та, Исәнбайда яңа амбулатория төзелү сәбәпле, даруханәне дә күчерергә туры килде. Ул район кулланучылар җәмгыяте кибетендә урын алды. Биредә ремонт эшләре башкарылды, хезмәткәрләр өчен бөтен уңайлыклар тудырылды. 

    Безнең тарафтан эшләр төгәлләнде, бары лицензия генә көтәбез. Ул булуга (без аны январь ахырына-февраль башына кайтып җитәр дип өметләнәбез) даруханә исәнбайлыларга хезмәт күрсәтә башлаячак.

    Авыл халкына, бигрәк тә өлкәннәргә дарулар кирәк булса, амбулаториягә мөрәҗәгать итә алалар. Кирәкле даруларны безнең тарафтан атнага ике тапкыр әлеге учреждениегә алып килү каралган. 
     

     

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: