Әгерҗе егете уйный торган Россия җыелма командасы Канадада икенче җиңүен яулады

Анда Россия яшүсмерләр җыелма командасы составында Әгерҗе егете, хоккейчы Максим Грошев та катнаша.

Беренче уенда россиялеләр Канада (Көнчыгыш)  спортчыларын 3:5 белән җиңүгә ирештеләр. Бүген төнлә Россия командасына Чехиядән килгән яшьтәшләре белән очрашырга туры килде. Әлеге уенда да Россия хоккейчылары сынатмады, 4:2 исәбе белән җиңү яулады.

Әлеге уенны интернеттан күзәткән спорт бүлеге җитәкчесе Илшат Гайнетдинов менә нәрсәләр сөйләде:

• Уен бик киеренке барды. Россия хоккейчылары өчен ике уен рәттән авыргарак туры килде. Беренче периодта чехлар яхшырак уйнаган кебек тоелды. Әмма безнекеләр дә сынатмады. Нәтиҗә – сөендерерлек: 4:2, – диде ул.

Ярышлар түбәндәгечә дәвам итә:

13 декабрь иртәнге сәгать 5тә Россия – Канада (Көнбатыш).

15 декабрь төнге сәгать 12дә Россия – АКШ.

Уеннарда якташыбыз Максим Грошев һәм Россия командасына көч бирик!