Әгерҗе хәбәрләре
  • Рус Тат
  • Әгерҗенең футболчы кызлары җиңү белән кайтты

    Чаллыда "Мини-футбол - мәктәпкә" Бөтенроссия проектының республика ярышыннан 2нче мәктәпнең кызлар футбол командасы җиңү белән кайтты. Тренер Илдар Идиятов шәкертләренең бу беренче җиңүе генә түгел инде. Менә бу юлы да финалда иң көчлеләрдән саналган Чаллы командасы белән уйнарга туры килсә дә, Әгерҗе кызлары югалып калмаганнар. Безнекеләр көндәшләрен 10:4 исәбе белән...

    Чаллыда "Мини-футбол - мәктәпкә" Бөтенроссия проектының республика ярышыннан 2нче мәктәпнең кызлар футбол командасы җиңү белән кайтты.

    Тренер Илдар Идиятов шәкертләренең бу беренче җиңүе генә түгел инде. Менә бу юлы да финалда иң көчлеләрдән саналган Чаллы командасы белән уйнарга туры килсә дә, Әгерҗе кызлары югалып калмаганнар. Безнекеләр көндәшләрен 10:4 исәбе белән тар-мар иткәннәр.

    Бәйгедән кайтып кына төшсәләр дә, тренер кызларга инде бүген тын алырга да ирек бирми. Алда - Түбән Новгородта узачак Идел буе федераль округы ярышлары. Тренировкасыз бер генә көн дә узмый хәзер.

    - Бу ярыш ничек узар, алдан фаразламыйм. Әмма командама ышанам. Кызлар үзләре дә яхшы нәтиҗәләргә өметләнәләр. Россия күләмендәге ярышларда катнашу һәркемгә тәтеми бит. Үзебезне күрсәтү өчен менә дигән мөмкинлек бу, - ди Илдар Идиятов.

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: