Имәнлек туристларны җыя
15 сентябрьдә спорт һәм туризм бүлеге хезмәт коллективларын районда сигезенче тапкыр үткәрелүче туристлар слетында катнашырга чакыра. "Барлык хезмәт коллективларын җитәкчеләре белән бергә "Имәнлек"тә иртәнге сәгать 10 да көтәбез. Бик күңелле булачак", - ди спорт һәм туризм бүлеге начальнигы Илшат Гайнетдинов. Хезмәт коллективлары командалары сәламләү, визит карточкасы, футбол, волейбол, аркан тартышу,...
15 сентябрьдә спорт һәм туризм бүлеге хезмәт коллективларын районда сигезенче тапкыр үткәрелүче туристлар слетында катнашырга чакыра.
"Барлык хезмәт коллективларын җитәкчеләре белән бергә "Имәнлек"тә иртәнге сәгать 10 да көтәбез. Бик күңелле булачак", - ди спорт һәм туризм бүлеге начальнигы Илшат Гайнетдинов.
Хезмәт коллективлары командалары сәламләү, визит карточкасы, футбол, волейбол, аркан тартышу, туристлык маршруты, аш-су осталары һәм башка төрле кызыклы ярышларда катнашачаклар.
Алтын көзнең матур табигать кочагында хезмәттәшләрегез белән бергәләп рәхәтләнеп ял итәргә, көчегезне, зирәклегегезне, тапкырлыгызны сынарга, осталыгыгызны күрсәтергә килегез!
Иң мөһим һәм кызыклы язмаларны Татмедиа Telegram-каналында укыгыз
