Әгерҗе хәбәрләре
  • Рус Тат
  • Район данын республикада яклаячаклар

    Республикада Россия махсус Олимпиадасы программасы буенча мини-футбол, өстәл теннисы, кул көрәше ярышлары бара. Кул көрәше буенча зона этабы Әгерҗедә узды. Актаныш, Минзәлә, Тукай, Кукмара, Әгерҗе районнарының коррекцион мәктәп-интернатларында укучылар алты үлчәү категориясендә көч сынаштылар. - Быел әлеге республика ярышлары унынчы тапкыр уздырыла. Юбилей елында башка районнардан спорт яратучы укучыларны кабул...

    Республикада Россия махсус Олимпиадасы программасы буенча мини-футбол, өстәл теннисы, кул көрәше ярышлары бара. Кул көрәше буенча зона этабы Әгерҗедә узды. Актаныш, Минзәлә, Тукай, Кукмара, Әгерҗе районнарының коррекцион мәктәп-интернатларында укучылар алты үлчәү категориясендә көч сынаштылар.
    - Быел әлеге республика ярышлары унынчы тапкыр уздырыла. Юбилей елында башка районнардан спорт яратучы укучыларны кабул итүебезгә бик шат, - дип сәламләде укучыларны коррекцион мәктәп-интернат директоры Фәридә Закирова.
    Яшүсмерләрнең спорт белән шөгыләләнгәннәре күренеп тора. Әнә, Әгерҗедән Любовь Ганина бер генә көндәшенә дә бирелмәде һәм финалда Кукмара кызын да җиңеп беренче урынга чыкты.
    - Дәресләр тәмамлангач, спорт белән шөгыльләнүне үземә максат итеп куйдым. Малайлар белән футбол уйныйбыз, теннис буенча да уңышларыбыз бар. Шулай да кул көрәше - иң яраткан спорт төре. Кызлар арасында әлегә миңа тиңнәр юк, - ди Люба.
    Руслан Шәрифуллин белән Ильяс Емельянов - тренер Руслан Закировның шәкертләре. Бу егетләр көндәшләренә тын алырга да ирек бирмәделәр, нәтиҗәдә, беренче урын ияләре булдылар.
    - Кичкетаң мәктәбендә укыганда ук кул көрәше белән шөгыльләнә башлаган идем. Көндәшләр дә төшеп калганнардан түгел, әмма без көчлерәк булдык, - ди Руслан.
    - Укучыларны укудан тыш спорт белән шөгыльләндерү, хезмәткә өйрәтү - безнең төп бурыч. Такталачыктагы мәктәп-интернатта балаларыбыз өстәл теннисы, кул көрәше, мини-футбол, җиңел атлетика белән даими шөгыльләнәләр. Укучылар гына түгел, укытучылар да спортны үз итә бездә. Өч ел рәттән укытучыларның район спартакидасында җиңү яулавыбыз шуның турыда сөйли, - ди Актаныш районы мәктәп-интернат директоры Алмаз Һаҗиев.
    Әлеге бәйгедә бу районнан килгән алты укучы да призлы урын яулады. Әмма әгерҗелеләрнең өч беренче урын алуы аларга команда буенча да беренчелеккә чыгарга ярдәм итте. Икенчедә - Кукмара, өченчедә Актаныш командалары. Безнекеләр Казанга финал уеннарында катнашачаклар.
    Җиңүчеләргә Мактау грамоталары, истәлек бүләкләре, командага һәм һәр катнашучыга татлы приз тапшырылды.
    - Бүләкләр алырга ярдәм иткән Әгерҗенең Почетлы гражданины - "Водоканал" ширкәте җитәкчесе Илдус Шәймөхәммәтовка зур рәхмәтебезне җиткерәбез, - диде Фәридә Закирова.
    Миләүшә ЯГЪФӘРОВА.
    4

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: