Әгерҗенең сугыш һәм мәгариф ветеранына – 90 яшь + ФОТО

Әгерҗедә гомер кичерүче сугыш һәм мәгариф ветераны Сәүбән Миңнехуҗин 90 яшьлек юбилеена килеп җитте.

Озак еллар Татар Шаршадысында рус теле укыткан мөгаллим бәйрәме көнендә укучыларыннан, район җитәкчелегеннән, якыннарыннан котлаулар кабул итте. Гаилә дуслары - яраткан җырчыбыз Газинур Фарукшинның бертуган абыйсы Мирзанур Фарукшин аның юбилеена багышлап җыр иҗат иткән. Авторның әлеге җырны юбилярга үзе башкаруында баянда уйнап җиткерүе көтелмәгән күчтәнәч булгандыр.

Район башкарма комитеты җитәкчесе Андрей Авдеев Россия Президенты һәм район башлыгының котлауларын җиткереп, бүләкләр тапшырды.