Чәчкә икенче тапкыр әни булган

Җырчы Чәчкә икенче тапкыр әни булган. Гыйбадуллиннар гаиләсендә 15 март көнне тагын бер кыз дөньяга аваз салган, дип яза "Интертат".

«Төкле аягың белән, кызым! Гаиләбезгә рәхим ит. Аллаһы Тәгаләнең бер бүләге син безнең өчен! Әлхәмдүлилләһ!» – дип яза ул социаль челтәрдәге сәхифәсендә. 

Чәчкә һәм Ирек Гыйбадуллиннар Весна исемле бер кыз үстерәләр. Шулай итеп, Весна хәзер апа булган. 

Бәхетле гаиләне әлеге куанычлы вакыйга белән котлыйбыз!