Элвин Грей белән хатыны Таиландка күченгән
Миннән буржуй ясамагыз инде, ди
Элвин Грей белән хатыны Инзилә вакытлыча Таиландка күченгән. Әмма ял итү максаты белән түгел. Элвин Грей Россиядән китәчәк дигән сүзләргә каршы ул: «Миннән буржуй ясамагыз инде. Таиландка яңа альбом яздырырга барам, материалларым җыелды. Таиландта минем профессиональ студиям бар», — дип җавап биргән иде.
Яшь гаилә биредә барлык эшләрен төгәлләп, җылы якларга очты. Яңа елны да шунда каршылады. Ләкин сторислар һәм постларда Юльякшиннарның иҗат белән артык мәшгуль булуы күренми. Радик белән Инзилә җәннәт иленең кояшы астында кызына, су керә, төрле урыннарны карап йөри.
«Ял, диңгез һәм кояш — иң яхшы антистресс», — дип язып куйган җырчы инстаграмдагы постына да.
Инстаграмда утыручылар да җырчы белән килешә. Ләкин мондый «антистресс»ның бөтен кешегә дә тәтемәве ачуларын чыгара.
«Акчаң булса йөзәрсең, ә булмаса кайда йөзәргә?»
«Россиянең бөтен халкы, аеруча пенсионерлар да шулай ял итә алса икән ул»;
«Чынлапмы?! Менә инде, белмәгәнбез дә. Ә без, юләрләр, авылда ятабыз», — дип иронияле комментарийлар калдырганнар.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев