Әгерҗе хәбәрләре

Әгерҗе районы

18+
Рус Тат
2024 - год Семьи
Йолдызлар

Гөлсирин һәм Азат Абитовлар бәби туе уздырган

Корьән мәҗлесеннән соң бәби чәе җыр-биюләр, котлаулар белән үрелеп барган

Гөлсирин һәм Азат Абитовлар бәби туе үткәргән. Бәйрәм мәҗлесе Азатның туган нигезендә Чувашстанның Батыр районы Шыгырдан авылында гөрләгән. Мәҗлестән кадрлар белән Азат Абитов социаль челтәрләрдә бүлешә.

Шыгырданда телен, динен саклап, милли кыйммәтләребезгә тугры халык яшәвен беләбез инде. Кечкенә Сылуның бәби туе да бик матур, милли рухта узган. Соңгы вакытта бөтен  артистлар бәби чәен кафе-рестораннарга сәхнәдәшләрен дәшеп бәйрәм итәләр иде. Абитовлар исә  чын татарча итеп туганнарын, якыннарын бергә җыйнап, төп нигездә үткәргәннәр. Азат Абитовның әти-әниләре оныклары Сылу хөрмәтенә гакыйка корбаны чалган. Бәйрәмгә җырчыларның продюсеры Рифат Фәттахов та килгән.

Корьән мәҗлесеннән соң бәби чәе җыр-биюләр, котлаулар белән үрелеп барган. Кунакларга Азат белән Гөлсирин, Азатның әнисе Альбина ханым һәм сеңлесе, шулай ук Гөлсириннең сеңлесе матур җырлар бүләк иткән.

Чыганак 

Следите за самым важным и интересным в Telegram-каналеТатмедиа

Районыбызга кагылышлы яңалыклар белән безнең  Telegram-каналдан танышыгыз


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев