Яшь җырчы әни булган

Автор-башкаручы, популяр татарча җырларны фортепианода уйнап җырлаучы Айзилә Вахитова узган төндә тәүге тапкыр әни булган. Бу турыда ул үзе социаль челтәрдәге сәхифәсендә хәбәр иткән, дип яза "Интертат".

«Без искиткеч малайның әти-әниләре булдык, Аллага шөкер. Кадерле көтеп алган улыбыз, рәхим ит!» – дип, сөенече белән уртаклашкан яшь әни.

Виртуаль дуслары тарафыннан Айзиләгә аз гына вакыт аралыгында да бик күп котлау сүзләре килеп ирешкән. Яшьләргә гаилә бәхете, сәламәтлек, бәләкәчләрен тигезлектә үстерүләрен теләгәннәр.

Бу теләкләргә без дә кушылабыз. Котлыйбыз, Айзилә!