Илдар Хәкимов Гүзәл Уразова белән ачуланышкан: «Гаилә булгач, була икән...»

Илдар Хәкимов белән Гүзәл Уразова арасыннан «кара мәче» узып алган. Сәбәбе билгесез.

Узган атнада Илдар, бөтен балаларын, хәтта кечкенә Ариананы да алып, Төркиягә ял итәргә китте. Яңа сезонга әзерләнү эшләре белән йөргәнгә, Гүзәл Казанда калган иде. Соңрак ул да гаиләсе янына Төркиягә юл тотты. Анда баргач ял үзенекен иткән – ир белән хатын дуслашкан.

«Аллаһка шөкер, хатын килеп җитте. Ниһаять, дуслаштык. Гаилә булгач, була икән ул дулаулар да. Бөтенләй авыр хәлдә калган идек. Ниһаять, әнисен тәртипкә салдык. Буран дулаганнан соң тынычлык килә», – дип сөйләгән сторисларында Илдар.

Чыганак: Интертат