Ильмира Нәгыймова: «Руслан белән булганда 10 ел бушка билет өләшеп йөрдек»

Ильмира Нәгыймованың Чаллы һәм Казан шәһәрләрендә концертлары икешәр көн аншлаг белән узган, дип яза "Интертат".

«Чаллы 2 көн аншлаг, Казан «Уникс» 2 көн аншлаг! Нишләп элек безнең концертларга шулай йөрмәдегез? Руслан белән булганда, без Чаллының бер көнендә дә зал тутыра алмый идек. Кеше күп күренсен дип, бушка билет өләшеп йөри идек. 10 ел шулай йөрдек, «Уникс» безнең хыялда гына иде…

Аллаһка шөкер! Шөкер-шөкер. Хәзер мин башка шул, энергиям үзгәргән ахры.

Тамашачылар соравы буенча, без тагын өченче өстәмә концерт куябыз – Чаллыда, Казанда «Пирамида»да. Мартта туган көнем һәм мин аны сез һәм дусларым белән үткәрәчәкмен», – дип шатлыгы белән уртаклашкан җырчы.

«Сез хәзер күпкә кызыклырак. Каршылыклар һәм кыенлыклар үсеш өчен баскыч кына булган. Сез хәзер күпкә көчлерәк һәм гүзәл»;

«Минем аңлавымча, Руслан Ильмирага уңай энергетика һәм алга барырга бирмәгән»;

«Син хәзер көчлерәк, ачыграк. Сиңа яңа мөмкинлекләр»;

«Әйе, сезнең энергия үзгәрде. Алдан да тавышыгыз ошый иде, әмма концерт буе моңланып утырасы килми иде. Ә хәзер сезнең Марат белән позитив көчле тандем. Казандагы концертыгыз «ут» иде. Бер сулышта узды, китәсе дә килмәде. Марат белән 50/50 концерт уздырсагыз иде, икегез белән дә «насытиться»;

«Руслан белән син ябылган кебек идең. Бөтен нәрсә хатын-кыз энергетикасыннан тора шул»;

«Сездәге үсеш-үзгәрешне күреп сокланабыз», – кебек комментарийлар язган җырчының виртуаль дуслары.

«Русланның ни гаебе бар? Ул да матур җырлый», «Безнең авылга килгән идегез. Русланның көчле тавышы ошаган иде», «Руслан – халыкчан җырчы,тавышы көчле», – дип, Ильмираның элеккеге ирен дә мактаган тамашачы.

«Русланны күралмыйм!» дигән комментарий да калдырганнар.