Иркә хәрби хезмәттәге ире турында сөйләде

Җырчы Иркәнең ире Артур Шабакаев, көз көне мобилизацияләнеп, хәрби хезмәткә киткән иде. Татарстанның һәм Башкортостанның атказанган артистының тормыш иптәше булгангадыр, күрәсең, Артурны бик күпләр якын кешесен көткән кебек көтә, аның хәл-әхвәлләре белән даими кызыксынып торалар икән, дип яза "Интертат".

Иркә үзенә еш кына ире турында сорап язуларын яшерми. Бу юлы да ул, Артур язмышы белән кызыксынучылар өчен, бер җылы хәбәр җиткергән.

«Исән-имин, Аллага шөкер... Еш булмаса да, хәбәргә чыга... «Кая? Ничек?» – дип еш язасыз. Рәхмәт безнең белән булуыгыз өчен. Барсы да яхшы булачак, Иншә Аллаһ», – дип, юраган җырчы. Амин, диясе генә кала.