Рамиль Закиров икенче тапкыр әти булган
Бу шатлыклы хәбәр белән гаилә дуслары Салават Миңнеханов социаль челтәрдәге сәхифәсендә уртаклашты
«Эх, дәрт бар иде» җыры белән күпләрнең исендә калган Рамил Закиров 2 кыз әтисе булды. Аларның гаиләсен тулыландырып, икенче кызлары дөньяга аваз салган. Бу шатлыклы хәбәр белән гаилә дуслары Салават Миңнеханов социаль челтәрдәге сәхифәсендә уртаклашты.
«Илүзә һәм Рамил Закировларны котлыйбыз. Искитмәле хисләр! Аллаһ Тәгалә бер тамчыдан могҗиза тудыра», – дип белдерә ул, гаиләсе белән дусларын бала тудыру йортында каршы алганнан соң.
Илүзә һәм Рамил Закировлар «гендер пати» да үткәргәннәр икән. Баланың җенесен белү бик дулкынландыргыч булган. Ал һәм зәңгәр төс чиратлашкан кәгазь тасманы сүтә-сүтә алар борчылып бетә, хәтта хатыны күзләрен йомган килеш йомгакны сүтә башлый. Аларның кыз көтүләре билгеле була. Гаилә малай көткән булса кирәк, аптырабрак калалар, әмма, кем булса да, шатлыклы вакыйга итеп кабул итәләр.
«Тукта, минем кан басымым күтәрелде», – ди ул вакытта Рамил, 2 кыз әтисе булачагын белгәч.
Чынанак: Интертат
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев