Руслан Кираметдинов Яңа елны кем белән каршы алачагын әйткән

Җырчы Руслан Кираметдинов Яңа елны улы һәм кызы белән бергә каршы алырга җыена. Бу хакта ул «Туган тел» телеканалы алып баручысы Ирина Вәлиуллинага сөйләгән. 

«Яңа ел – гаилә бәйрәме. Элегрәк мин бу бәйрәмне гаилә белән үткәрә идем, хәзер инде әти-әниләр, балалар белән уздырырга тырышам. Быел, Алла теләсә, Яңа елны балалар белән каршы алачакбыз. Улым: «Әти, бергәләп каршылыйсы килә», – дип шалтыратты инде.

Яңа ел мизгелләрен кечкенә чакта бик көтә идем. Кыш айларын шушы бәйрәмгә әзерлек өчен яратам. Ә инде кабат кыш азрак туйдыра башлый», – дип сөйләгән ул телеканалга. 

«Яңа елда бүләкләр алырга яратасызмы әллә инде бирергәме?» – дип тә сораганнар җырчыдан. 

«Безнең гаиләдә шундый гадәт бар – 31е көнне көндез бөтен дусларыбыз, туганнарыбызны бәйрәм белән котлап чыгабыз. Конфетлар, мандариннар өләшәбез. Ә инде үземә килгәндә, мин күбрәк бүләкләрне алырга яратам», –дигән Руслан. 

Руслан Кираметдинов Яңа ел өстәлендәге иң яраткан ризыгының «тун астындагы сельдь» булуын дә әйткән. 

Чыганак: Интертат