Синоптиклар яз һәм җәй һава торышы нинди булачагын әйтте
Һава торышы берникадәр сагайта
Россия Гидрометеорология һәм әйләнә-тирә мохитне күзәтү үзәге фаразы буенча, апрельдә Казанда һава температурасы һәм явым-төшем күләме нормада булачак. Бу хакта «Татар-информ» мәгълүмат агентлыгында узган матбугат конференциясендә Казан федераль университетының Метеорология, климатология һәм атмосфера экологиясе кафедрасы мөдире, профессор, география фәннәре докторы Юрий Переведенцев хәбәр итте.
«Россия Гидрометеорология һәм әйләнә-тирә мохитне күзәтү үзәгендә профессор Сидоренков башка ысул — Ай йогынтысын исәпкә алып — фаразлый. Аның фаразлары буенча, Казанда апрельдә һава температурасы нормадан 3 градуска югары булачак», — диде спикер.
Юрий Переведенцев киләсе җәйдә көтелә торган һава торышы турында да сөйләде. Ул июньдә һава торышының берникадәр сагайтуын әйтте. Бу айда һава температурасы нормадан түбән һәм явым-төшемнең нормадан аз булуы көтелә. Озак вакытка фаразлаулар буенча, Татарстан башкаласында июль һәм август айларында һава температурасы нормага якын булачак.
«Июль һәм август айларында һава температурасы нормага якын булачак. Апрельдә Казанда һава температурасы норма буенча 4,5 градус, майда 13 градус, июньдә 17 градус, июльдә 20 градус, августта 17 градус, сентябрьдә 11 градус җылы булырга тиеш», — диде Юрий Переведенцев.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев