Кам.Ключ авылындагы Кар бабай – иң матуры

Кам.Ключ авылында яшәүче Александр–Лидия КОРНЕВлар берничә ел элек Мәскәү өлкәсеннән туган авыллары Кам.Ключка кайтып төпләнгәннәр. Александр Ефимовичның төп нигезендә заманча йорт салганнар, каралты-кура төзегәннәр. 

–    Без бит авыл балалары. Кайда гына яшәсәк тә, авыл үзенә тарта, – диләр Корневлар.

Аларның иң яраткан бәйрәмнәре – Яңа ел. Аны зур әзерлек белән каршы алалар. Быел да капка төпләренә зур Кар бабай, чыршы ясаганнар. Аларны буяп, утлар белән бизәгәннәр. Өйләрендә дә яшел чибәркәй чыршыны бик матур итеп бизәп куйганнар. 

–    Авылдашлары, райондашларны Яңа ел белән котлыйбыз. Йортларда тынычлык булсын, сәламәт яшик, – диләр Корневлар.