Әгерҗедә – чираттагы ярминкә
Әгерҗенең үзәк мәйданында чираттагы авыл хуҗалыгы ярминкәсе уза.
Ит сатучылар янына чират тезелгән. Эшмәкәр Рәшит Шәйхетдинов тәкъдим итә торган тана итенең бәясе уртача 350-450 сум. “Нәүрүз“ ширкәтендә – 400-430 сум. “Әгерҗе ит комбинаты“ ит, бавыр, үпкә, тел дә тәкъдим итә.
Дуңгыз итенең уртача бәясе – 250-300 сум.
Кырындыдан Фирая Әхмәтҗанова бытбылдык, үрдәк, тавык, бройлер һәм йомыркалар алып килгән. Бытбылдык итенең килосы – 650, үрдәкнеке – 450, тавыкныкы – 230-280 сум.
Ярминкәдә бодайны килосы 22 сумнан, арпаны 20 сумнан саталар. Уразай бәрәңгесенең килосы – 20 сум. Яңа Акхуҗадан Галинур Хәмитов бәрәңге, бал һәм прополис сата. Бәрәңгенең 10 литрлы чиләге 350, 7 литрлысы 300, 5 литрлы чиләге 250 сум. Балның бер литры – 500 сум. Тирсәдән Венера Хәбибуллина да бәрәңге алып килгән. 5 литрлы чиләге – 200 сум. “Россельхозцентр” оешмасы орлыклык бәрәңгенең берничә төрле сортын сатуга алып чыккан. Килосы – 100 сум.
Ярминкәдә берничә төрле балык та сатыла. Корбан – 60-120, судак 350, чуртан һәм агарчак(жерех) 200 сум.
Агач һәм куак үсентеләре, орлыклар, район кулланучылар җәмгыяте тәкъдим иткән күптөрле камыр ризыклары, яшелчәләр дә сатып алырга мөмкин.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев