1 январьдан эшләмәүче пенсионерларның пенсияләре артачак
Татарстанда индексация 800 меңгә якын пенсионерга кагылачак.
(Казан, 10 декабрь, “Татар-информ”, Ләйлә Хәкимова). Татарстанда эшләмәүче 800 мең пенсионерның пенсиясе артачак. 1 январьдан уртача иминият пенсиясе 1000 сум тәшкил итәчәк. Бу хакта “Татар-информ” мәгълүмат агентлыгында узган матбугат конференциясендә Россия Пенсия фондының ТР буенча бүлеге идарәчесе урынбасары Елена Полякова хәбәр итте.
"Пенсия яшен арттыру белән бәйле рәвештә, РФ хөкүмәтендә 2019 елның 1 январеннан пенсияләрнең күләмен 1000 сумга арттыру карары кабул ителде. Индексация эшләмәүче пенсионерларга гына кагылачак. Иминият пенсиясен якындагы алты елга 1,0705 процентка арттыру гарантияләнә", - диде ул.
Елена Полякова әйтүенчә, эшләүче пенсионерларның индексациясе 1 августтан, ә социаль пенсия алучы пенсионерларның 1 апрельдән узачак.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев