«Әниемнең җылы кочагы» рубрикасына сездән хатлар көтәбез

Әни... Якты кояшка тиң иң газиз кеше ул. Кайда гына яшәсәк тә, иң җылы, иң рәхәт урын әни янында. Ничә генә яшьтә булсак та, әниләрнең ягымлы карашы, йомшак куллары, тәмле ризыклары безнең өчен бик кадерле. 

Әниләр көне уңаеннан “Әгерҗе хәбәрләре” район газетасында яңа рубрика ачабыз. “ӘНИЕМНЕҢ ҖЫЛЫ КОЧАГЫ” дип аталучы әлеге сәхифәгә, газета укучыларыбыз, сездән иң кадерле, иң газиз кешеләр – әниләрегез турында язмалар көтәбез. Якты дөньядан киткән булсалар, алар турында хатирәләр дә яңарта аласыз.

Әниегезнең яки аның белән бергә төшкән фотогызны да юлларга онытмагыз.

Хатларны 15 ноябрьгә кадәр agr-vesti@mail.ru электрон почтасына юлларга кирәк. Белешмәләр өчен телефон: 22962.