"Авангард" яшьләр үзәге хезмәткәрләре табибларга рәхмәт белдерделәр

1 марттан 6 мартка кадәр "Без бергә" бөтенроссия акциясе уңаеннан республикада төрле чаралар уза. Әлеге акциянең төп атрибуты - кызгылт сары җеп - яхшы кәеф һәм сәламәтлек символы.

Бүген, 4 мартта, "Авангард" яшьләр үзәге хезмәткәрләре акциягә кушылды һәм үзәк район хастаханәсе хезмәткәрләренә әфлисуннар таратты. Шул рәвешле алар табибларга аларның батырлыклары, фидакарь хезмәтләре, авыр пандемия шартларында кешеләр тормышы өчен көрәшүләрен дәвам итүләре өчен рәхмәт белдерделәр.

Медицина хезмәткәрләре акциянең көн буена яхшы кәеф бирүен билгеләп үттеләр.