Азат Вәлиев һәм Талия Миңнуллина районда эшкуарлар һәм производство санын арттыру буенча фикер алышты

Татарстан Республикасы Инвестицион үсеш агентлыгы җитәкчесе Талия Миңнуллина Әгерҗе районы башлыгы Азат Вәлиев белән очрашты. Яклар муниципаль берәмлек территориясендә сәнәгать паркларының тулылануы һәм эш барышы турында фикер алыштылар.

Район башлыгы территориядә сәнәгать паркларының эшен яхшырту һәм эшкуарлар һәм производстволар санын арттыру фаразлары турында сөйләде. Үз чиратында, бу районнарда сәнәгать паркларын җитәкли торган Инвестицион үсеш агентлыгы муниципаль берәмлекнең үз ихтыяҗларын яклаучы гарызнамәләр исемлеген формалаштырырга тәкъдим итә. Алга таба район үзе нинди секторларны үстерергә теләвен хәл итә алачак.