Балаларга кышкы чорда сулыкларда үз-үзеңне тоту кагыйдәләрен искә төшерделәр

Бертуган Бубилар исемендәге Иж-Бубый урта мәктәбендә, су объектларында балалар куркынычсызлыгы айлыгы кысаларында, ОБЖ укытучысы тарафыннан укучылар өчен «Бозда куркынычсызлык чаралары», «Сак булыгыз: юка боз!» , "Сулык аркылы чыкканда куркынычсызлык чаралары", "Кеше боз астына киткән очракта ярдәм итү" фильмнары күрсәтелде.

Фильмнар барышында балаларга кышкы чорда сулыкларда үз-үзеңне тоту кагыйдәләре, бозда бәла-казаларны булдырмас өчен нинди кагыйдәләр үтәлергә тиешлеге турында сөйләделәр.

Ахырда укучылар өчен кышкы чорда сулыкларда куркынычсызлык техникасы буенча инструктаж үткәрелде.