Әгерҗе хәбәрләре
  • Рус Тат
  • Бүген - Әгерҗе районы авылларында Сабан туе!

    Сабан туе якынлаша, Борынгы да, күркәм дә. Көтеп алам бу бәйрәмне Күп тапкырлар күрсәм дә. Иң беренче Сабантуйда Ат чабышын юксынам. Бу мәйданда әллә нәрсә - Зур хәзинә юк сыман. Соңгы атка өеп-өеп Бирерләр иде бүләк. Илгә-көнгә, бар дөньяга Изге теләкләр теләп. Гомер буе иген иккән Ветераннар күңелдә. Аларны да...

    Сабан туе якынлаша,

    Борынгы да, күркәм дә.

    Көтеп алам бу бәйрәмне

    Күп тапкырлар күрсәм дә.

    Иң беренче Сабантуйда

    Ат чабышын юксынам.

    Бу мәйданда әллә нәрсә -

    Зур хәзинә юк сыман.

    Соңгы атка өеп-өеп

    Бирерләр иде бүләк.

    Илгә-көнгә, бар дөньяга

    Изге теләкләр теләп.

    Гомер буе иген иккән

    Ветераннар күңелдә.

    Аларны да йөрәк көтә

    Мәйданның иң түрендә.

    Яу кырына киткәннәрнең

    Мәйдан саклый эзләрен.

    Рухларына дога бирик

    Булмаса да үзләре.

    Мәйдан уртасына чыксын

    Көрәшче ветераннар.

    Туган якның горурлыгы,

    Маягы да бит алар.

    Җирсәп, сагынып кайталар

    Дус-ишләр, туганнар да.

    Тиешле хөрмәт күрсәтик

    Бәйрәмдә аларга да.

    Сабан туе - хезмәт туе,

    Хөрмәт туе да булсын.

    Килер буын үткәнен дә,

    Киләчәген дә белсен.

    Һәрбер якның үз җыры бар,

    Сандугачы да башка.

    Үзебезнең талантларны

    Тыңлыйсы килә башта.

    Әткәм җыры, тальян моңы,

    Бары истәлек кенә.

    Сабантуй саен сагышы

    Тора өстәлеп кенә.

    Имин үтсен Сабантуйлар,

    Сезгә изге теләгем.

    Акыллылар данлап яши

    Үз халкын, үз төбәген.

    Һәр кешенең үз карашы,

    Үз фикере, уйлары.

    Котлы булсын, райондашлар,

    Ямьле Сабан туйлары.

    Тәнзилә ХӘБИБУЛЛИНА.

    Салагыш авылы.

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: