Бүген җитәкчеләр кыр эшләренең барышы белән танышалар

Бүген район башлыгы Азат Вәлиев, авыл хуҗалыгы идарәсе җитәкчесе Дилүс Гатауллин хуҗалыкларда кыр эшләренең барышы белән танышалар. Беренче тукталыш "Тугызбуй" агрофирмасында булды.

Биредә язгы культураларны чәчү төгәлләнгән. Барлыгы 3500 гектарда бөртеклеләр җир куенына индерелгән. Узган елга караганда 400 гектарга кубрәк.

Хәзерге вакытта кырларга ашлама кертү эшләре бара.

Җитәкчеләр бөртекле культураларның чыгышы яхшы дип бәяләделәр. Корткыч бөҗәкләргә каршы агулар чәчүнең файдасы зур, диделәр.