Сәламләшү – иң яхшы гадәт

Бүген, 21 ноябрьдә, Бөтендөнья сәламләшү көне.
Сәламләшү - иң яхшы гадәтләребезнең берсе. Өйдә, урамда, эш урынында, кибеттә, юлда - кайда гына булмасын, бер кешенең икенче бер кеше белән исәнләшүе күркәм бер гадәт.
Көндәлек тормышта сәлам урынына әйтелә торган сүзләр дә бар. Мәсәлән, исәнме, нихәл, хәерле иртә, хәерле кич, хәерле сәфәр, күрешкәнче, күрешкәнчегә кадәр һ.б.лар. Бу сүзләр дә - халкыбызның матур, әдәпле сүзләре. Ләкин "Әссәләмү галәйкүм" дип сәламләшү барлык мөселманнар өчен уртак.