Суык бабайдан кайчан куркырга?

Ниһаять, безнең якларга да чын кыш килде. Кыш бабай битне чеметә, кул-аякларны өшетә. Иртәнге сәгатьләрдә температураның -32гә кадәр төшкән чаклары да була. Суыкларга, беренче чиратта, мәктәп укучылары сөенәдер. Чөнки көннәр бик нык салкынайтса, укулар булмый.
ТР Мәгариф һәм фән министрлыгы бу уңайдан кышка "температура режимы" төзеде.
Укырга температура түбәндәгечә булганда бармаска мөмкин:
-23 градус - авыл мәктәпләренең башлангыч сыйныф укучыларына.
-25 градус - шәһәр мәктәпләренең башлангыч сыйныф укучыларына.
-25 градус - авыл мәктәпләренең 5-9 сыйныф укучыларына.
-27 градус - шәһәр мәктәпләренең 5-9 сыйныф укучыларына.
-30 градус - авыл мәктәпләренең 10-11 сыйныф укучыларына.
-25 градус - шәһәр мәктәпләренең 10-11 сыйныф укучыларына.