Әгерҗе хәбәрләре
  • Рус Тат
  • Әгерҗе районы авылларында сайлаучыларның яртысыннан артыгы участокларга килде

    "Сайлаучылар бик актив, бәйрәмгә кебек киләләр", - дип билгеләп үттеләр Тирсә һәм Сарсак-Омга сайлау участокларында. 478нче санлы Тирсә сайлау участогында бюллетень алу өчен чират тезелгән. - 9 сентябрьдә 18 яшь тулды. Ниһаять, мин дә бу сайлауларда үз тавышымны бирәм дип сөенә-сөенә кайттым, - ди КФУның Чаллдыдагы филиалы студенты Инсаф Йосыпов....

    "Сайлаучылар бик актив, бәйрәмгә кебек киләләр", - дип билгеләп үттеләр Тирсә һәм Сарсак-Омга сайлау участокларында.
    478нче санлы Тирсә сайлау участогында бюллетень алу өчен чират тезелгән.
    - 9 сентябрьдә 18 яшь тулды. Ниһаять, мин дә бу сайлауларда үз тавышымны бирәм дип сөенә-сөенә кайттым, - ди КФУның Чаллдыдагы филиалы студенты Инсаф Йосыпов. Сыйныфташлары - күптән түгел 18 яшьләрен тутырган Нурлыяз Тукбаев, Гүзәл Нуретдинова да сайлауларга махсус кайтканнар.
    - Безнең тавыш бик тә мөһим дигән уй белән килдек сайлауларга, - диләр Тирсәдән Газинур-Ирина Фәсхиевлар да. Ирина "Нәүрүз" ширкәтендә бозау караучы булып эшли,
    Газинур - механизатор. "Авылда йорт салу" республика программасы ярдәмендә күптән түгел яңа йорт төзеп кергәннәр.
    - Бүгенге тормышыбыздан без бик канәгать, - диләр.
    479нчы санлы Сарсак-Омга сайлау участогына сәгать 9га 463 сайлаучының 188е килгән булган инде. Бирегә күрше Тансар, Сарсак-Арема, Сәрдәле авылларыннан да сайларга киләләр.
    - Килә алмаганнарның өйләренә барабыз, - ди комиссия рәисе Светлана Кудрявцева.
    Әнә, 77 яшьлек Анастасия Балтина белән 84 яшьлек Антонина Кубышева өйгә килгәннәрен көтеп тормаганнар, култыклашып килеп тә җиткәннәр.
    - Мин алга таба да Татарстаныбызда тынычлык һәм дуслык булуын телим. Бүген Әгерҗе районында төрле милләт вәкилләре ничек дус яшибез бит. Тынычлык булса, калганы булыр, - ди Анастасия Балтина.
    - Ә мин авылыбыз эчендә юллар төзекләндерелер дигән өмет белән килдем сайлауларга. Әнә, районыбызда юл төзелеше ничек яхшы алып барыла. Безнең Омганы да онытмасыннар иде, - ди Лидия Константинова.
    Барлык участокларда да чәй табыны әзерләнгән. Сайлаучылар тәм-томнар белән сыйланып, бик канәгать булып кайтып китәләр.

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: