Әгерҗе районында ике янгын булды

Бәйрәм көннәрендә Әгерҗедә һәм Красный борда янгын булды.

8 майда янгын сүндерү бүлегенә Энергетиклар урамында янгын чыгуы турында хәбәр килә. Электр үткәргечендәге кыска ялганыш нәтиҗәсендә верандага ут каба. Аннан ут телләре түбәгә күчә. Бәхеткә, янгын сүндерүчеләр йортны саклап калалар.

Шул ук көнне Красный борда мунчада янгын чыга. Сәбәе шул ук: электр үткәргечендәге төгәлсезлек. Красный бор янгын сүндерүчеләре янгын телләренә үрмәләргә ирек куймыйлар.

- Быел әлеге мунчага икенче тапкыр ут капты инде. Хуҗалар янгын куркынычсызлыгы кагыйдәләрен төгәл үтәп, янын сүндерүчеләрнең киңәшләренә колак алсыннар иде, - ди күзәтчелек эшчәнлеге бүлекчәсе начальнигы Айрат Шәйдуллин.