Әгерҗе районында Бөек Җиңүгә багышланган велойөреш старт алды

Быел анда катнашучылар саны 300дән артык. Бу, алдагы еллар белән чагыштырганда, бермә-бер күбрәк. Велойөрештә район мөгаллимнәре, укучылар, яшьләр һәм башкалар катнаша. Старт сәгать 10да Наҗар авылында бирелде. Велосипедчылар юл уңаендагы авылларда тукталышлар ясап, Бөек Ватан сугышында катнашучылар хөрмәтенә куелган һәйкәлләргә чәчәкләр салалар. Соңгы тукталыш – Әгерҗенең Җиңү мәйданында. Анда тантаналы митинг булачак. Ул сәгать 2гә билгеләнгән.