Әгерҗе районында кеше үтергәннәр

Хатын-кызга көнләшү аркасында килеп чыккан фаҗига агымдагы елның апрель аенда булган. 23 яшьлек егетнең танышы белән булган низагы үтерү белән тәмамлана. Башта ул аны кыйный, аннары аны ташландык фермада буып үтерә.

Җинаятьчене тоткарлаганнар, аңа гаеп белдерелгән, дип хәбәр итә ТР Прокуратурасы.

Егет үз гаебен өлешчә таныган.

Аны катгый режимлы колониядә 9 елга ирегеннән мәхрүм итү яный.

Хөкем карары законлы көченә кермәгән.