Әгерҗе районында профилактик чаралар дәвам итә

Әгерҗе районы белем бирү учреждениеләрендә балалар арасында юл-транспорт имгәнүләрен профилактикалау буенча актив эш дәвам итә.

Узган атнада «Юл хәрәкәте куркынычсызлыгы» ДБУнең Әгерҗе бүлекчәсе башлыгы Рушания Тимкина 1 нче гимназия, Тирсә урта мәктәбе, "Талантлар салават күпере" балалар иҗат йорты, "Алтын ачкыч" балалар бакчасы, Тирсә авылының "Миләүшә" балалар бакчасы мәктәпкәчә учреждениеләрендә иминлек дәресләре үткәрде.

Шулай ук "Талантлар салават күпере"ндә Ватанны саклаучылар көненә һәм 8 Март Халыкара хатын - кызлар көненә багышланган картинг буенча шәһәр ярышларында катнашучыларның юл хәрәкәте кагыйдәләрен белүләрен тикшерү буенча беренче этабы узды.