Әгерҗе хәбәрләре
  • Рус Тат
  • Әгерҗедә агач тауларда шуалар

    Әгерҗедә берничә ел инде кыш көне халык күп йөри торган урыннарда агачтан таулар ясыйлар. Быел әлеге мәһабәт тауларны "Яшьлек" паркында, стадионда, "Альфа" ТОСында, Чапаев, К.Маркс, Заводская урамнарында ясадылар. 3-5 метр биеклектәге, 15 метрга кадәр озынлыктагы таулар куркынычсызлык таләпләренә туры китереп эшләнгән. - Парктагы тауны ясау өчен агач материаллар белән "КамПромЛес"...

    Әгерҗедә берничә ел инде кыш көне халык күп йөри торган урыннарда агачтан таулар ясыйлар.

    Быел әлеге мәһабәт тауларны "Яшьлек" паркында, стадионда, "Альфа" ТОСында, Чапаев, К.Маркс, Заводская урамнарында ясадылар. 3-5 метр биеклектәге, 15 метрга кадәр озынлыктагы таулар куркынычсызлык таләпләренә туры китереп эшләнгән.

    - Парктагы тауны ясау өчен агач материаллар белән "КамПромЛес" ширкәте ярдәм итте. Аны "Водоканал" эшчеләре кыска вакыт эчендә бик сыйфатлы итеп эшләделәр. Ә калган тауларны "Жилсервис" ширкәтләре эшчеләре ясады, - ди "Әгерҗе шәһәре" башкарма комитеты җитәкчесе Илназ Сәфәров.

    Таулардан көнозын кеше өзелми. Кичләрен сабыйлары белән әти-әниләр дә рәхәтләнеп шуалар тауларда.

    Әгерҗедәге кебек тауларны хәзер авылларда ясый башлаулары да сөендерә. Яңа ел алдыннан 4 метр биеклектәге, унбер метр озынлыктагы тауны Тирсә авылында да ясадылар.

    - Кунакка кайтучылар да, авылдашлар да рәхәтләнәләр биредә, - ди авыл башлыгы Рафил Закиров.

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: