Әгерҗе хәбәрләре
  • Рус Тат
  • Әгерҗедә агач утырту акциясе дәвам итә

    Акциядә берьюлы ике буын катнашты

    Әгерҗедә территорияләрне яшелләндерү буенча акция дәвам итә.

    Бүген, 26 сентябрь көнне, «Орешник» паркында  яшь агач үсентеләре утыртылды. Акциянең төп оештыручылары  - Ишморатов Владимир Леонидович җитәкчелегендә Әгерҗе урманчылыгы хезмәткәрләре.

    Бүгенге акциянең үзенчәлеге аның халыкара өлкәннәр көненә туры килүе. Акциядә берьюлы ике буын катнашты:  урман хуҗалыгы ветераннары һәм «Авангард» яшьләр үзәге волонтерлары.

    Бүген ветераннар үсеп килүче буын белән үз тәҗрибәләре белән булештеләр. Үсентеләрне ничек дөрес утырту, утырту чокырының нинди булырга тиешлеге турында сөйләделәр, шулай ук яшь агачларны карау серләре белән таныштырдылар.

    Уртак көч белән 30 төп өрәңге утыртылды.

     «Әгерҗе урманчылыгы» коллективы акциядә катнашучыларга рәхмәт белдерде һәм хөрмәтле ветераннарны якынлашып килүче бәйрәм белән котлады.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: