Әгерҗе хәбәрләре
  • Рус Тат
  • Әгерҗенең “Авангард“ кинотеатрында фильмны махсус күзлек киеп караячакбыз

    Әгерҗелеләр бик тиздән "Авангард" кинотеатрының заманча залында яңа фильмнарның премьераларын чыккан көнендә үк карый алачаклар. Шунысы аеруча кызыклы, яңа фильмнарны 3D форматында махсус күзлек киеп карау мөмкинлеге дә булачак. 2016 Россиядә кино елы дип игълан ителде. Шул уңайдан Россиянең Мәдәният министрлыгы Кино фонды белән берлектә 100 меңгә кадәр халкы булган...

    Әгерҗелеләр бик тиздән "Авангард" кинотеатрының заманча залында яңа фильмнарның премьераларын чыккан көнендә үк карый алачаклар. Шунысы аеруча кызыклы, яңа фильмнарны 3D форматында махсус күзлек киеп карау мөмкинлеге дә булачак.
    2016 Россиядә кино елы дип игълан ителде. Шул уңайдан Россиянең Мәдәният министрлыгы Кино фонды белән берлектә 100 меңгә кадәр халкы булган торак пунктларда кинозалларны модернизацияләүгә субсидия бирү программасын гамәлгә кертте. Әлеге программа буенча конкурс игълан ителгән иде. Конкурска Россиянең 79 субъектыннан 655 гариза кергән. Бәйге нәтиҗәләре буенча Рәсәйнең 51 төбәгендә 143 кинозалны цифрлы җиһазлар белән тәэмин итәчәкләр. Мондый бәхет Татарстанда нибары алты районга - Әгерҗе, Зәй, Лениногорск, Мамадыш, Менделеевск һәм Тәтеш районнарына гына елмайды.
    Тиздән Әгерҗедә шундый заманча кинозал булачак дип ышандыралар. "Авангард" кинозалында яңа экран, заманча цифрлы кинопроектор, тавыш җиһазы, 3D форматында карау өчен система урнаштырылачак.
    - Гаиләсе, туганнары, читтән килгән кунаклары, дуслары, сөйгән ярлары белән кинофильм карарга яратучы Әгерҗе тамашачысы өчен 3D форматында кино карау зур казаныш дип саныйм. Моңа кадәр бик күп яшь гаиләләр балалары белән яңа фильмнарның премьераларын мондый форматта карау өчен Ижау, кайберләре Чаллыга йөриләр иде. Махсус күзлек киеп яңа фильмны карау бик кызык, мавыктыргыч бит ул! Үзеңне экрандагы геройлар белән янәшә торган, вакыйгалар эчендә кайнаган кебек хис итәсең. Иң мөһиме, әгерҗелеләр фильмнарның премьераларын берничә айдан соң түгел, ә яңа фильм экраннарга чыккан көнне үк карый алачаклар. Бу яңалык шәһәрдәшләребез күңеленә бик тә хуш килер дип ышанабыз. Яңа фильмнарны "Авангард"ның заманча кинозалында махсус күзлекләр киеп карау авыл тамашачысын да кызыксындырыр, - ди "Әгерҗе киносы" директоры Евгений Мурзин.
    Любовь МИХАЙЛОВА.

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: