Әгерҗенең “Нур" мәчете – призерлар арасында

Татарстан мөфтияте тарафыннан игълан ителгән республикакүләм “Изге әманәт” бәйгесенә нәтиҗәләр ясалды.

Әлеге бәйге Туган телләр һәм халыклар бердәмлеге елы кысаларында татар-мөселман традицияләрен саклау, мөселманнарда милли үзаң тәрбияләү, татар телле мохитне үстерү һ.б. максатлардан чыгып, 2021 ел дәвамында үткәрелде.

“Яшьләр өчен иң яхшы татар телле проектларны тормышка ашыручы мәчет” номинациясендә Әгерҗенең “Нур” мәчете юллаган портфолио III урынга лаек дип табылды һәм Дипломга, сертификатка лаек булды.