Икеләтә бәхет: районда беренче игезәкләр туды

22 ноябрьдә Әгерҗе районы ЗАГС бүлегендә бу ел башыннан беренче игезәк тууы теркәлде. Теркәлү "Уллар көне" бәйрәменә туры килгән.

Якташыбыз Әхмәтҗанов Айнур һәм Анастасия хәзер дүрт малай әти-әнисе булды. Яңа туган ике бала исә - игезәкләр! Икеләтә сөенче!

ЗАГС бүлеге башлыгы Гөлнара Гайфуллина тантаналы рәвештә котлап, гаиләгә нык сәламәтлек теләде һәм игезәкләр туу турында таныклык һәм “Татар милли кухнясы” китабы тапшырды.