Иртәгә яшенле яңгыр, боз явуы ихтимал

Республикада яшенле яңгыр, боз явачак, көчле җил исәчәк.

(Казан, 19 июнь, «Татар-информ»). Иртәгә, 20 июньдә, иртән һәм кичен Татарстанда урыны белән яшенле яңгыр һәм боз явачак, дип хәбәр итә Татарстан Республикасы Гидрометеорология һәм әйләнә-тирә мохитне күзәтү идарәсенең матбугат хезмәте.

Моннан тыш, көчле җил исәчәк, аның тизлеге секундына - 15-20, урыны белән 21-26 метрга кадәр җитәргә мөмкин.

Казанда 11.00 – 15.00 сәгатьләрдә урыны белән яшенле яңгыр явачак, җилнең тизлеге секундына 15-20 метрга кадәр җитәчәк.