Июльдән “минималка“ арта

Россия Президенты Владимир Путин 1 июльдән минималь хезмәт хакы күләмен 7,5 мең сумга кадәр җиткерү турында закон имзалады.

Әлегә ул 6 мең 204 сум тәшкил итә. Ничек кенә булса да, Россиядә минималь хезмәт хакы күләме белән яшәү минимумы арасында аерма саклана. Россия Хезмәт министрлыгы мәгълүматларына караганда, быелның беренче өч аенда Россиядә яшәү минимумы 9 мең 776 сум тәшкил иткән. Хөкүмәт бу тигезсезлек 2020 елга кадәр бетәчәк дип ышандыра.