Әгерҗе хәбәрләре
  • Рус Тат
  • Иж-Бубыйда алдан тавыш бирү көне уза

    Иж-Бубыйның Үзәк урамында урнашкан 16.001.03нче санлы берләштерелгән участогында Иж-Бубый, Иж-Бәйки, Биектау, Кодаш авылларында яшәүче сайлаучылар тавыш бирә.

    Иртәнге сәгатьләрдә үк сайлау участокларына килеп, сәяси активлык күрсәтүчеләр күп.

    • Минем мондый сәяси мөһим вакыйглардан бервакытта да читтә калганым юк. Алдан сайлап тавыш бирү булсынмы, сайлау көнеме, иртән иртүк участокка киләм, – ди Иж-Бубыйдан Гөлнур Хәмидуллина.

    Педагогика ветераны Раиф Гәрәев та шушы ук фикердә.

    • Мондый вакыйгалардан читтә калуны мин үз илеңә битараф калуга тиңлим. Бервакытта да үз тавышымны бирми, үз позициямне күрсәтми калмыйм, – ди ул.
    • Халык сайлау участоклары ачылуга ук килә башлады. Халыкка уңайлы булсын өчен кандидатларның фоторәсемнәре белән исем-фамилияләре күрсәтелгән стендлар  әзерләп куйдык. Шуннан танышалар. Халык битараф түгел, – ди Иж-Бубый авыл җирлеге башлыгы Раиф Ваһапов.

    Башка участокларда кебек үк, биредә дә алдан тавыш бирү кичке сәгать 8гә кадәр дәвам итә.    

    Нравится
    Поделиться:
    Реклама
    Комментарии (0)
    Осталось символов: