Ижау белән Казан арасында авиаочышлар башлана

Ижаудан рейслар дүшәмбе һәм чәршәмбе башкарылачак, Казаннан - сишәмбе һәм җомга.

1 июньнән Ижау - Казан - Ижау маршруты буенча авиарейслар башкарылачак. Бу юнәлештә Татарстанда урнашкан «Аэросервис» авиакомпаниясе" ҖЧҖ хезмәт күрсәтәчәк, дип хәбәр итә «Ижавиа» ААҖ матбугат хезмәте.

Бу маршрутта "Ан-24" һава судносы очачак.

Ижаудан рейслар агымдагы елның 1 июненнән 29 октябрьгә кадәр дүшәмбе һәм чәршәмбе башкарылачак.
Казаннан Ижауга 7 июньнән 29 октябрьгә кадәр - сишәмбе һәм җомга. Ике юнәлештә дә юлда булу вакыты 1 сәгать тәшкил итәчәк.

Искәртеп үтик: элегрәк «Аэросервис» Казан - Ижау маршруты буенча 7 июньдә хезмәт күрсәтә башлавы турында хәбәр ителгән иде: http://www.agryz-rt.ru/tt/hbrl/item/11076-iyund%D3%99-kazannan-volgogradka-%D2%BB%D3%99m-izhevskiga-aviareyslar-achyilachak.html.

Татар-информ.