Кеше китә – зур хезмәте кала

Иж-Бубый мәдәният йортында Иж-Бубый мәктәбенең ветеран педагогы, мәктәп муззена нигез салучы хөрмәтле мөгаллимә Рәмзия ханым Хәлиуллинага 80 яшь һәм мәктәп музеена 20 ел тулу уңаеннан "Үлчәүләргә сыймас олы хезмәт мирас булып яши бүген дә" дип аталган искә алу кичәсе узды. Чарада катнашучылар хөрмәтле мөгаллимә белән бәйле хатирәләре белән уртаклаштылар. Конференция ахырында киләчәктә әлеге музейның бер бүлекчәсен Рәмзия Хәлиуллинага багышлау һәм анда мөхтәрәм кардәшебез хөрмәтенә истәлек ташы кую турында резолюция кабул ителде.