Корыган агачларны гына кисәбез

Әгерҗедә корыган агачларга "һөҗүм" башланды дип язганнан соң шәһәр хакимиятенә теге яки бу урамда агачларны кисүне сорап мөрәҗәгать итүчеләр көннән-көн арта.

"Без һәркемнең дә үтенечен канәгатьләндерә алмыйбыз. Беренчедән, кеше тормышына, торак биналарга, электр чыбыкларына, газүткәргеч торбаларга куркыныч янаган корыган агачларны гына кистерәбез. Икенчедән, бер кварталга кимендә 30 төп агач кисү мөмкинлеге генә бар. Бу катлаулы һәм авыр эш шактый чыгымнар да таләп итә. Өченчедән, шаулап үсеп утыручы яшел агачларны кисәргә экологлар рөхсәт итмәячәк", ди шәһәр башкарма комитеты җитәкчесе Заһир Абдуллин.