Күрсәткечеңне әйтмәсәң, күбрәк түлисең

"Әгәр өч айдан артык исәпләү приборыңдагы күрсәткечеңне хәбәр итмәсәң, газ өчен куллану нормативы буенча түләргә туры киләчәк", - дип хәбәр итә "Алабугагаз" идарәсе администрациясе.
Ягъни счетчиктагы күрсәткеч газ-эксплуатация участогына хәбәр ителмәгән булса, газ өчен түләү бу йортта яшәүчеләр санына һәм җылытыла торган мәйдан күләменә карап исәпләнәчәк.
Абонент исәпләү приборындагы күрсәткечне хәбәр итә башлагач кына газны прибор буенча исәпләячәкләр. Ә үткән чор өчен кире исәп-хисап ясалмый.
Белешмәләр өчен телефон: 22908.