Әгерҗе хәбәрләре
  • Рус Тат
  • Район эксплуатация-газ хезмәте начальнигы ялга китте

    Рамил Вәгыйзовичның хезмәт юлы туган районына багышланган

    Район эксплуатация-газ хезмәте белән ун елдан артык җитәкчелек иткән Рамил Гыймазов лаеклы ялга китте.

    Рамил Вәгыйзовичның хезмәт юлы туган районына багышланган. Ул хезмәт юлын 1982 елда XXII партсъезд исемендәге колхозда инженер-технолог буларак башлый. Армиядән соң туган колхозында эшләвен дәвам итә. 1985 елдан комсомолның район комитетында башта II, аннан I секретарь вазифаларын башкара.

    Аннан соңгы елларда Рамил Гыймазов ремстройучасток начальнигы, Иж-Бубыйда авыл Советы рәисе, “Татарстан почтасы” оешмасы җитәкчесе булып эшләде. Соңгы ун елда район газ-эксплуатация хезмәтен җитәкләде.

    – Туган районга багышланган тырыш, нәтиҗәле хезмәтегез өчен тирән хөрмәт һәм рәхмәт сүзләрен кабул итеп алыгыз, – дигән сүзләр белән район башлыгы Азат Вәлиев Рамил Вәгыйзь улына Мактау грамотасы тапшырды.

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: