Әгерҗе хәбәрләре
  • Рус Тат
  • Шаршадыда яшәүче тыл һәм хезмәт ветераны килененә рәхмәтле

    "Ярый әле, киленем Светлана бар. Картлык көнемдә миңа кадер-хөрмәт күрсәткәне өчен үзе дә балаларыннан игелек күреп яшәсен", дип изге теләкләрен тели килененә Шаршадыда яшәүче Дөрикамал әби ГАЙНУЛЛИНА. Утыз дүрт ел бергә инде алар. Төпчекләре Заһит авылның уңган-булган кызын үзенә гомерлек яр итеп сайлаганга Гайнуллиннар сөенәләр генә. Мин килен булып төшкәндә...

    "Ярый әле, киленем Светлана бар. Картлык көнемдә миңа кадер-хөрмәт күрсәткәне өчен үзе дә балаларыннан игелек күреп яшәсен", дип изге теләкләрен тели килененә Шаршадыда яшәүче Дөрикамал әби ГАЙНУЛЛИНА.

    Утыз дүрт ел бергә инде алар. Төпчекләре Заһит авылның уңган-булган кызын үзенә гомерлек яр итеп сайлаганга Гайнуллиннар сөенәләр генә.

    • Мин килен булып төшкәндә каенанамның каенанасы да исән иде әле. Әнкәй әбине яшь бала карагандай тәрбияләде. Зарланмады-сыкранмады. Үзе урын өстенә калгач мин дә аны кулымнан килгәнчә тәрбияләргә тырышам, - ди Светлана.

    Әниләрен хөрмәтләп тәрбияләвенә Түбән Камада һәм Нефтекамскида яшәүче кызлары Нәсимә белән Люция дә бик рәхмәтле Светланага.

    • Энебез Заһит ике ел элек 53 яшендә вафат булгач, бөтен хуҗалык Светлана җилкәсенә калды. Әнкәйне карау да күпме сабырлык таләп итә бит, - диләр алар.

    ...Дөрикамал апа 14 яшендә колхозда эшли башлый. Аннан кибеттә сатучы, Шаршады урманчылыгында ашханә мөдире була. Аш-суга бик тә уңган бу ханымның ясаган чәкчәкләре авызда эри иде, диләр.

    Тормыш иптәше Мәгъсум белән 50 ел бергә гомер итәләр, өч бала тәрбияләп үстерәләр. Ул-килен белән бик тату, килешеп яшиләр. Өч оныкларын үстерешергә булышалар.

    • Хәзер дә балалар кайтып керүгә иң беренче әбиләренең хәлен белергә аның бүлмәсенә керәләр. Алар әби тәрбиясендә үстеләр, шуңа аны бик яраталар, - ди Светлана ханым.

    Район башлыгы урынбасары Ришат Нурисламов, Шаршады авыл җирлеге башлыгы Вәсил Баһаутдинов та хөрмәтле тыл һәм хезмәт ветераны Дөрикамал әбине олуг юбилее белән тәбрикләделәр. "Сезнең гомер юлы - яшьләргә үрнәк. Тормышның ачысын-төчесен күргән әби-бабайларга хөрмәт күрсәтү - һәрберебезнең бурычы", дип бүләкләр тапшырдылар.

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: