ТР Дәүләт Советы рәисе Фәрит Мөхәммәтшин Әгерҗе районы башлыгы Азат Вәлиевка Россия Хисап палатасы рәисе Рәхмәтен тапшырды
Хезмәтен хөрмәтләп
ТР Дәүләт Советы рәисе Фәрит Мөхәммәтшин Әгерҗе районы башлыгы – ТР Хисап палатасы экс-аудиторы Азат ВӘЛИЕВка Россия Хисап палатасы рәисе Рәхмәтен тапшырды.
– Азат Рөстәм улы Россия Федерациясе контроль-хисап палатасы үсеше өчен күп нәрсә эшләде, тышкы дәүләт икътисади контроль нәтиҗәлелеген күтәрүгә зур өлеш кертте, – дип билгеләп үтте ул бүләкне тапшырганда. – Әгерҗе районына соңгы тапкыр баруымда аның район халкы тарафыннан кабул ителүе дә ачык күренде. Азат Рөстәм улы яңадан-яңа идеяләр белән яна, аларның кайберләрен районның киләчәк социаль-икътисади үсеше өчен тормышка ашыра да башлады инде.
– Тупланган тәҗрибәне муниципаль дәрәҗәдә кулланачакбыз. Финанс тәртибен ныгытырга, Әгерҗе районын төрле яклап үстерергә тырышачакбыз. Әгерҗе республиканың төньяк-көнчыгыш форпосты булып тора. Тимер юллар, федераль трассалар кисешкән урында урнашуы районны үстерү мөмкинлекләрен тагын да арттыра. Әгерҗе районын да республиканың әйдәп баручы районнары сафына чыгарачагыбызга ышаныч зур, – дип билгеләп үтте Азат Вәлиев җавап чыгышында.
Районыбызга кагылышлы яңалыклар белән безнең Telegram-каналдан танышыгыз
Иң мөһим һәм кызыклы язмаларны Татмедиа Telegram-каналында укыгыз
