Урманнарга керсәң, сызгырып кер

- Мин - тумышым белән Әлки районыннан. Әтинең урманчы дуслары бар иде. Аның мине дә урманчы итәсе килде. Әти сүзе минем өчен закон инде. Мәктәп тәмамлагач авылыбыздагы Юхманчы урманчылыгында эшләп карарга булдым. Ошап китте. Армиядән соң Йошкар-Ола политехника институтының урман хуҗалыгы факультетына кердем.

- Диплом алгач, Камбарка урман комбинатына эшкә билгеләделәр. Анда өч ел эшләгәч, хатын тартып китерде дип әйтимме соң... Ул бит - Әгерҗе кызы. Менә быел шушы коллективта эшли башлавыма 25 ел. Кем әйтмешли, эчәр суым Әгерҗедә булган икән. Яшермим, һич тә үкенмим. Эшемне дә, коллективымны да, Әгерҗене дә яраттым. Мин Мөхәмәтгали Нәҗипов, Фаина Тихомирова кебек урманга гомерләрен багышлаган ветераннарыбыз кул астында бай тәҗрибә туплавым белән бәхетле һәм бу остазларыма бик тә рәхмәтле.

- 2007 елдан урман хуҗалыгында зур реформалар үткәрелгәч, безнең эшчәнлектә дә үзгәрешләр булды. Район урманнарын "Кампромлес" һәм "МТМ" ширкәтләре арендага алды. Безнең бурыч - хәзер әлеге арендаторлар эшчәнлеген контрольдә тоту, урманнарда санитар чаралар уздыру, янгынга каршы көрәшү һәм табигать байлыкларын саклау, ял итү урыннарын төзекләндереп тору. Әгерҗебезне һәм авылларны яшелләндерүгә дә зур өлеш кертәбез. Быел гына да язын Әгерҗегә керү юлында 1500 төп миләш, юкә, нарат, чыршы агачлары утырттык.

- Урманчылар утырткан үсентеләрнең саргаеп утыруын күрү мине дә бик борчый. Дөрес, без аларны яңага алыштырабыз. Шәһәр хуҗалыгында аларны тәрбияләүгә игътибар бирүче үк. Җәен урамнардагы чүп үләнне чапканда кечкенә үсентеләрне чабып китү очраклары да еш кабатлана. Шәһәр җитәкчелеге кечкенә генә орлыктан зур хезмәт куеп үстергән агач үсентеләренең сакланышына, тәрбияләп үстерүгә җитдирәк карасын иде.

- Әлбәттә. Быел гына да 100 килограмм ылыслы агач орлыгы әзерләдек. Моның өчен 4 тонна чыршы һәм нарат мәкәе җыярга туры килде. Шаршады питомнигында 0,5 гектар мәйданда чыршы орлыгы чәчтек. 5-8 елдан биредәге бер метрлы чыршыларны Яңа ел бәйрәменә сата башлаячакбыз. Орлык әзерләүдә безгә халык та, мәктәп урманчылыклары да булышалар. Шаршады питомнигында 0,5 гектарда зәңгәр чыршы орлыклары да чәчтек.

- Дару чималы җыюга аеруча зур әһәмият бирәбез. Быел менә 100 кило гөлҗимешне сатуга әзерләп куйдык. 5 кило каен, 10ар кило нарат һәм каен бөресе җыйдык. Менә бу көннәрдә Казанда "Урман. Кеше" дигән форум эшли. Аның кысаларында зур күргәзмә оештырылды. Безнең урман хуҗалыгы да бу күргәзмә-сатуга агач материаллары, гөмбә, дару чималлары, мунча себеркесе, бал алып китте.

- Урманчылар изге эшләргә алынырга куркып тормыйлар. Әле күптән түгел генә "кирпичка" микрорайонында йортлар каршындагы бакчаларның 200 метр коймаларын яңарттык. Андагы парк мәйданчыгын чистарттык. Горький тыкрыгындагы 2нче йорт ишегалдына балалар өчен агачтан тау, беседка, башка уен җиһазлары ясап куйдык. Нәниләрнең шатлана-шатлана уйнауларын күрү бик күңелле. Шәһәребезгә ярдәм кирәк булганда, кулдан килгәнчә булышабыз.

- Бик тә дөрес. Белгечләребез барысы да махсус белемле һәм урманга гашыйк, эш өчен янып-көеп йөрүче, вакыт белән исәпләшми эшләүче чын профессионаллар. Флорид Гадршин, Габделхак Каюмов, Татьяна Егорова, Зәкәрия Латыйпов, Ирек Камаев, Алмаз Шәйхетдинов, Фидаил Мозаффаров белән таулар күчерергә була. Машина йөртүчеләр Радик Яппаров, Виктор Шишкинның кулларыннан килмәгән эш юк. Коллективтагы һәр хезмәттәшем турында гел мактау сүзләре генә әйтә алам.

Сүз уңаеннан: озак еллар урман хуҗалыгында эшләгән һәркемне, хөрмәтле ветераннарыбызны, бүген дә зур табигать байлыгын саклаучы, аны арттыручы коллегаларымны һөнәри бәйрәмебез белән котлыйм. Сәламәтлек, гаиләләрегезгә иминлек телим. Урманчыларга бик тә якын "Урманнарга керсәм" дигән җырдагы менә бу куплет һәрберегезнең кыйбласына әверелсен иде: