Яңа гына сатуга чыккан Лада Вестаның бәясе күпме?

Ижауда чыга торган Лада Веста автомобиле сатыла башлады. Ул илебездә чыгучы автомобильләр арасында иң көчлесе, иң шәбе булыр дип көтелә. Бу чыннан да шулаймы - вакыт күрсәтер. Күпме торасың "иң шәп" автомобиль?

Лада Веста автомобиленең башлангыч бәясе - 514 мең сум дип хәбәр итә «АвтоВАЗ» вәкилләре.

Ул үзенең базовый комплектациясендә дә күп функцияләргә бай булырга тиеш иде.Лада Веста 100 км/сәг тизлеген 11,8 секундта җыя, 100 километрга якынча 7.5 литр ягулык тота, аның максималь тизлеге 178 км/сәгать.

АвтоВАЗның генераль директоры Бу Андерсон: «Лада Веста 2015 нче елда Россиянең иң яхшы автомобиле булачак», - дип белдергән иде. Бу хакта сөйләшергә әле иртәрәк. Нәтиҗәләрне сатып алучыларның фикерләрен ишеткәч ясарга мөмкин булыр.